Այսօր տեղի ունեցավ ՀԳՀՄ-ի տասնամյակին նվիրված կոնֆերանս: Նախ առաջինը մի քիչ մի քիչ պատմեմ ՀԳՀՄ-ի մասին:
ՀԳՀՄ-ն ստեղծվել է 2007 թվականի նոյեմբերին: Միության նախագահն է Գագիկ Մակարյանը: 2017թ. մայիսի 1-ի դրությամբ ՀԳՀՄ-ն ունի ընդհանուր թվով 13760 անդամ, ներառյալ իր ուղիղ անդամները, տարածքային և ոլորտային միությունների անդամները: Միության անդամները ներկայացնում են ՀՀ տնտեսության բոլոր ոլորտները: 2017թ. Մայիսի 1-ի դրությամբ աշխատում է մասնավոր հատվածի ընդհանուր աշխատողների շուրջ 44%-ը:ՀԳՀՄ-ի առաքելությունն է խթանել բիզնես միջավայրի բարելավումը, պաշտպանել գործատուների շահերը,օգնում է նոր աշխատատեղերի ստեղծմանը,մեծ աշխատանք է տանում կրթական ոլորտի պրոբլեմների լուծման և սոցիալական ոլորտում բարեփոխումներ կատարելու համար։
2017թ. ՀԳՀՄ-ն նշում է հիմնադրման 10 ամյակը և ռոտացիոն կարգով ստանձնում «Գործատուների միությունների միջազգային համագործակցության խորհրդի» նախագահությունը: Շուրջ 15 երկրների գործատուների միություններ հանդիսանում են այդ խորհրդի անդամ:
10-ամյակի առթիվ ժամանել էին տարբեր երկրների գործատուների միությունների նախագահներ և ՀՀ-ի նախարարներ: Գործատուների միությունների նախագահները հղեցին իրենց ողջույնի խոսքերը և նվերներ տվեցին ՀԳՀՄ-ին։
Կոնֆերանսի ընթացքում տեղի ունեցավ նաև մամլո ասուլիս, որի ընթացքում լրագրողները կարողացան տալ իրենց հետաքրքրող հարցերը:
Կոնֆերանսի դահլիճում նաև կազմակերպված էր ցուցահանդես,որտեղ ցուցադրված էին միության անդամների արտադրանքը։ Ինձ ամենաշատը դուր եկավ երեք ապրանքանիշ: Առաջինը ` Մարաշի ասեղնագործությունները:
Մարաշի ասեղնագործության ծննդավայրը պատմական Կիլիկիայի Մարաշ քաղաքն է: Այն հյուսված կար է՝ ձևի եզակիությամբ, նրբագեղությամբ և կարի բաղադրությամբ, ու դրա գաղտնիքը սահմանափակված է եղել միայն Մարաշ քաղաքում: Մարաշի ասեղնագործությունը հայ ժողովրդի սեփականությունն է ու վկան է մեր անցյալի գեղարվեստական հարստության:
Կենաց ծառ
Երկրորդը դա Taraz.am հագուստներն էին հայկական զարդանախշերով: Այս հագուստները ստեղծողը ասում է.
«Ես փորձել եմ ժամանակակից հագուստին ավելացնել հայկակական զարդանախշեր:»
Երրորդն ինձ դուր եկավ Համլետ Կյատիկանի չինական մոդուլային օրիգամիները:
Ցուցահանդեսում ես նաև գտա մի գիրք ,որտեղ ցուցադրված էր մանկատան երեխաների նկարած նկարները: Գիրքը կոչվում էր «Բնությունը երեխաների աչքերով»:Ահա մի քանի նկար այդ գրքից:
This slideshow requires JavaScript.
Կոնֆերանսի ժամանակ նաև հանձնվեցին պատվոգրեր և շնորհակալագրեր։ Շնորհակալագիր ստացավ մի կին ,ով աշխատատեղեր է ստեղծում հաշմանդամների համար։ Նաև հանձնվեցին պատվոգրեր ՀՀ-ի վարչապետի կողմից:
Ինձ շատ դուր եկավ ՄԱԿ-ի ՓԳՀ-ի ներկայացուցիչ ՝Քրիստոֆ Բիրվիրթի ճառը: Ահա մի հատված նրա ճառից.
«Սիրիայի փախստականները կորցրել են իրենց տունը, աշխատանքը, նույնիսկ իրենց բարեկամներին: Կառավարությունը օթևան է տվել նրանց և նրանք գործատուների միջոցով կարողացել են աշխատանք գտնել: Եղել է նաև, որ փախստականները ձեզնից խորհուրդ են հարցրել իրենց բիզնեսի համար: Միշտ բաց եղեք նոր աշխատողների համար:»
Գագիկ Մակարյանը ասեց, որ մի քանի տարի առաջ, երբ Սիրիայից հոսքը սկսեց, նրանք անվճար օգնում էին փախստականներին իրենց բիզնեսը ստեղծել և կոնկրետ հիմա կոնֆերանսի դահլիճում գտնվում են ութ սիրիահայ, որոնք ներկայացնում են իրենց արտադրանքը:
Նաև եղավ երաժշտական ընդմիջում, որի ընթացքում մենք ունկնդրեցինք օպերետային երգչուհի՝ տիկին Ստեֆանի Քոչարյանին, թավ ջութակահար՝Հովհաննես Այվազովին և քանոնահար՝ Անուշ Կիրակոսյանին:
Մեր կրթահամալիրի անունից շնորհավորում ենք ՀԳՀՄ-ի 10 ամյակը և ցանկանում նրանց նորանոր հաջողություններ հատկապես կրթության ոլորտում փոփոխություններ անելու համար։
Լուսաբանեց՝ Նազելի Տեր-Պետրոսյան