Այս ուսումնական շրջանի ընթացքում ես ունեցել եմ 6 հարգելի բացակա: Շրջանի ընթացքում մասնակցել եմ բազում նախագծերի: Աշնանային արձակուրդների ընթացքում անցկացրել ենք “Սովորում ենք Scratch” նախագիծը կրթահամալիրի դասավանդողների հետ: Նոյեմբերի 6-ին ստացել եմ պետական մրցանակ և կրթահամալիրի 30 ամյակի առթև Տիգրան Սերոբյանի և Շուշան Պետրոսյանի հետ միասին պատրաստել եմ այցեքարտ-կայք:
Գրականությունից և Հայոց լեզվից նույնպես մասնակցել եմ շատ նախագծերի, ինչպիսին են «Զարմանալի աշուն», «Գրաբարի օրեր. Թարգմանչաց տոն», «Կոմիտասյան օրեր», և այլն: Նաև ստեղծել և վարում եմ “Սեբաստացի” գիտա-հանրամատչելի հանդեսը:
Մաթեմատիկայից անցած թեմաներից են մաթեմատիկական ինդուկցիան, հաջորդականության սահմանը, և դիֆերենցիալ հաշիվը: Առաջին շրջանում մենք արդեն ավարտել ենք 11-րդ դասարանի ծրագիրը: Ես նաև հաճախել եմ լրացուցիչ մաթեմատիկայի պարապմունքների:
Անգլերենի դասաժամին ունեցել ենք զանազան քննարկումներ տարբեր թեմաներով, կարդացել ենք գրականություն, աշխատել ենք անգլերենի շտեմարանով և New English File, 501 Absolutely Essential Words գրքերով: Գրել եմ բազում շարադրություններ:
Իսպաներենից համալրել եմ իմ բառապաշարը, կարդալու, գրելու և խոսալու ունակությունները: Նաև մասնակցել եմ “Մի քիչ խենթ Լորկան” համագործակցային նախագծին:
Պատմություն առարկայից անցած թեմաներից են Հայկական հարցը, Հայ ազգային կուսակցությունները, Հայդուկային շարժումը և այլն: Կատարել եմ աշխատանքներ “Նշանավոր Հայդուկները” և «Սովորողի հայացքը երեխայի իրավունքներին» նախագծերից:
Քաղաքագիտության ժամանակ ունեցել ենք բազում քննարկումներ զանազան թեմաների մասին: Նաև մասնակցել եմ «Սովորողի հայացքը երեխայի իրավունքներին» նախագծին:
Էկոլոգիայի ժամանակ ուսումնասիրել ենք շրջապատի ազդեցությունը մարդու առողջության վրա, միջավայրի աղտոտումը, էկոհամակարգները, և այլն:
Իրավունքից անցած թեմաներից են իրավունքի աղբյուրը, նորմատիվ իրավական ակտերը, դատական համակարգը և այլն: Նաև ուսումնասիրել ենք Օվերտոնի պատուհանը:
Այս շրջանի ընթացքում նաև անցկացրել ենք ռոբոտաշինության դասընթացներ 4-5րդ դասարանցիների համար: Առաջին ամիսներին սովորել ենք Scratch ծրագրավորման լեզուն: Նոյեմբեր ամսից սկսել ենք աշխատել լեգոներով, կառուցելով զանազան ռոբոտներ: Նաև սովորել ենք Lego Mindstorm EV3 ռոբոտների ծրագրավորման լեզուն: Երեխաները սկսել ենք աշխատանքը իրենց առաջին ինքնուրույն նախագծված ռոբոտների վրա:
Հիմա մասնակցում եմ Technovation Family արհեստական ինտելեկտի մրցույթին: Մյուս շրջաններին երեխաները հետ սկսելու ենք պատրաստվել Ռոբոտների Համաշխարհային Օլիմպիադիային(WRO):
Հիմիկվա հինգերորդ դասարանցիների բլոգները տարբերվում են այն ժամանակվա հինգերրորդ դասարանցիների բլոգներից: Այն ժամանակ բլոգը նորություն էր և եթե դու ունեիր բլոգ, ուրեմն դու շատ լավ սովորող ես: Այն ժամանակ մենք մրցում էինք իրար հետ, թե ում բլոգի նյութերն են ավելի հետաքրքիր: Հիմա բլոգներում հիմնականում երեխաները տեղադրում են իրենց դասերը և չկա այն ժամանակվա մրցումը: Հիմա բլոգը նրանց համար ուղղակի տնայիններ տեղադրելու վայր է:Բայց կան սովորողներ, որոնք իրոք հետաքրքրված են բլոգով և աշխատում են տեղադրել շատ հետաքրքիր նյութեր:
Դպիրում ես կարդացել եմ շատ շատ հոդվածներ: Օրինակ՝ Տիկին Աիդայի,Ընկեր Գնելի,Պարոն Տիգրանյանի,ընկեր Անուշի և այլ շատ հոդվածներ: Ես շատ բան իմացա մանկավարժության մասին, իրականաոցվող նախագծերի արդյունքների և ընթացքների մասին:Նույնիսկ այդ հոդվածները կարդալու ընթացքում առաջացավ նոր նախագիծ սկսելու միտք,որը հուսով եմ հետագայում կներկայացնեմ ձեզ:
Նազելի Տեր-Պետրոսյան 